Embassy of the Republic of the Union of Myanmar London
Embassy of the Republic of the Union of Myanmar , LondonEmbassy of the Republic of the Union of Myanmar , LondonEmbassy of the Republic of the Union of Myanmar , LondonEmbassy of the Republic of the Union of Myanmar , London

Permanent Representative of Myanmar stresses the need of Special Rapporteur to strictly adhere to the principles of independence, impartiality and integrity and to avoid bias reports and non-constructive statements

(12-3-2019,Geneva)
An Interactive Dialogue with Special Rapporteur on the situation of human rights in Myanmar was held on 11 March 2019 during the 40th Session of the Human Rights Council, held in Geneva from 25 February to 22 March 2019.
During the dialogue, the Special Rapporteur on the Situation of Human Rights in Myanmar presented her report on the situation of human rights in Myanmar to the Human Rights Council.
In response to the Special Rapporteur’s biased report and unconstructive remarks on Myanmar, U Kyaw Moe Tun, Permanent Representative of Myanmar, made a rebuttal Statement as a concerned country.
In his statement, Permanent Representative highlighted that human rights and inclusiveness are fundamental to successful transformation of Myanmar to a democratic society. He apprised the Council of the government’s concerted efforts for sustainable peace and genuine national reconciliation, inclusive development, promotion of rule of law, democratic practices and good governance. He also underlined the visible progress in many areas including health, education, and on-going implementation of Myanmar Sustainable Development Plan 2018-2030 in line with the Sustainable Development Goals.
Speaking about the peace process, the Permanent Representative informed the Council of the successful holding and the fruitful results of 3 sessions of the Union Peace Conference as well as 3 more sessions to be held by 2020.
He highlighted the measures taken in the economic sphere by promoting responsible investment with careful consideration of environment and social governance as well as the recent initiative of the government to amend the undemocratic provisions of the 2008 Constitution. With regard to the situation of human rights in Myanmar, he said, despite numerous challenges and constraints, Myanmar will continue to do its best to take its primary responsibility to promote and protect the rights of all its people.
In this regard, he apprised the Council of significant steps taken by the Government especially for the rights of children, women, persons with disabilities and other vulnerable groups. Myanmar will submit its national report to the UPR third cycle in 2020. Being a state party to CRC, CEDAW, CRPD and ICESCR, Myanmar has set the target to sign the ICCPR this year. In addition, steps are being taken to enact legislations including the new Child Rights Law and the draft laws to address the issues of hate speech and violence against women.
He underlined the government’s close cooperation with the Special Envoy, Special Representatives of the UN Secretary-General and the opening of the office of Special Envoy in Nay Pyi Taw. He also touched on the setting up of National Committee to prevent the issue of six grave violations relating to the children and armed conflict as well as drawing of a national action plan to implement Joint Communiqué singed with Special Representative for Sexual Violence in Conflict.
On the issue in Rakhine State, Permanent Representative explained recent outbreak of fighting ignited by the attacks of AA insurgents against police outposts which has further complicated the situation. He reiterated the government’s commitments and explained efforts to find sustainable solution to bring peace, stability and development for all people, including the implementation of the recommendations of Kofi Annan’s Advisory Commission.
With regard to the repatriation process, he stated Myanmar’s readiness to receive verified returnees in accordance with the bilateral agreements with Bangladesh. Myanmar has informed Bangladesh side to resume the Joint Working Group Meeting in April to commence repatriation of verified displaced persons including 444 Hindus who are desperate to return of their volition. In this regard, the Permanent Representative questioned the Special Rapporteur whether she was aware that the displaced persons in the camps in Cox’s Bazar repeatedly express their desire to return to Rakhine State. Myanmar is working not only with the UNDP and UNHCR but also with ASEAN and regional partners to create conducive environment for the returnees.
While sharing Myanmar’s concern over the plight of all affected communities due to violence triggered by coordinated attacks of ARSA against multiple security outposts in October 2016 and August 2017, he stressed that a campaign of terror was carried out by ARSA. The seeds of fear sown by ARSA led to massive displacement of people. Myanmar Permanent Representative rejected any call for referring Myanmar to the International Criminal Court (ICC) but expressed the government’s commitment to ensure accountability where there is credible evidence of human rights violation committed in Rakhine State. The Independent Commission of Enquiry, established by Myanmar Government, is investigating all alleged violations of human rights and atrocities. He stressed, “The Government is willing and able to address the accountability issue”.
He further explained the position of Myanmar with regard to the current Special Rapporteur, Ms. Yanghee Lee, that Myanmar is obliged to discontinue its cooperation with her and requested the Council for her replacement. In spite of Myanmar’s fullest possible cooperation, her failure to comply with the Code of Conduct and her clear lack of impartiality in the discharge of her mandate caused public resentment against her and led to unanimous decision of Parliament in July 2017 to deny her access to the country.
In this regard, the Permanent Representative emphasized the importance of constructive engagement and cooperation to promote and protect human rights. He stated, “Every independent mandate holder or mechanism created by the Council must strictly adhere to the principles of independence, impartiality and integrity.” He urged the Council to take into account of each nation’s particular circumstances such as its historical and cultural background, capacity constraints as well as challenges and complexities.
Highlighting the importance of the accuracy of information in making a right policy decision, Permanent Representative stressed, “It is also equally important for a mandate holder to avoid any harmful acts such as bias reports, non-constructive statements that will affect the prevailing social cohesion and unity in a country”.
He concluded by expressing Myanmar’s determination to continue the journey towards a democratic federal union in which the value of human rights and democracy take firm root.
လူ့အခွင့်အရေးကောင်စီ၏ (၄၀) ကြိမ်မြောက် ပုံမှန်အစည်းအဝေးအတွင်း မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးအစီရင်ခံစာ တင်သွင်းသူ၏ တင်ပြချက်အပေါ် မြန်မာအမြဲတမ်းကိုယ်စားလှယ် ဦးကျော်မိုးထွန်းက တုံ့ပြန်ပြောကြား
(၁၂-၃-၂၀၁၉ ရက်၊ ဂျီနီဗာမြို့)
ဂျီနီဗာမြို့၊ ကုလသမဂ္ဂရုံး၌ ၂၅-၂-၂၀၁၉ ရက်မှ ၂၂-၃-၂၀၁၉ ရက်အထိ ကျင်းပလျက်ရှိသည့် ကုလသမဂ္ဂ လူ့အခွင့်အရေး ကောင်စီ၏ အကြိမ် (၄၀) မြောက် ပုံမှန်အစည်းအဝေးကာလအတွင်း မြန်မာနိုင်ငံ လူ့အခွင့်အရေးဆိုင်ရာ အထူးအစီရင်ခံစာ တင်သွင်းသူနှင့် အပြန်အလှန် ဆွေးနွေးမှု (Interactive Dialogue) တစ်ရပ်ကို ၁၁-၃-၂၀၁၉ ရက်တွင် ပြုလုပ်ခဲ့ပါသည်။
ယင်းဆွေးနွေးမှုတွင် မြန်မာနိုင်ငံ လူ့အခွင့်အရေးအခြေအနေဆိုင်ရာ အထူးအစီရင်ခံစာ တင်သွင်းသူက မြန်မာနိုင်ငံ၏ လူ့အခွင့်အရေးအခြေအနေနှင့် စပ်လျဉ်း၍ ၎င်း၏ အစီရင်ခံစာကို နှုတ်ဖြင့် တင်သွင်းခဲ့သည်။
အထူးအစီရင်ခံစာ တင်သွင်းသူ၏ ဘက်လိုက်၍ အပြုသဘော မဆောင်သည့် မှတ်ချက်များနှင့်ပတ်သက်၍ မြန်မာအမြဲတမ်း ကိုယ်စားလှယ် ဦးကျော်မိုးထွန်းက သက်ဆိုင်ရာနိုင်ငံအနေဖြင့် မိန့်ခွန်း တစ်ရပ်ကို တုံ့ပြန်ပြောကြားခဲ့ပါသည်။
မြန်မာအမြဲတမ်းကိုယ်စားလှယ်က မိန့်ခွန်းပြောကြားရာတွင် လူ့အခွင့်အရေးနှင့် အားလုံး ပါဝင်မှုသည် မြန်မာနိုင်ငံ၏ ဒီမိုကရေစီ လူ့အဖွဲ့အစည်းသို့ အောင်မြင်စွာ အသွင်ကူးပြောင်းရေးအတွက် အဓိက ကျကြောင်း၊ ရေရှည်တည်တံ့သော ငြိမ်းချမ်းရေး၊ စစ်မှန်သော အမျိုးသားပြန်လည်သင့်မြတ်ရေး၊ အားလုံး ပါဝင်သော ဖွံ့ဖြိုးတိုးတက်ရေး၊ တရားဥပဒေစိုးမိုးမှု မြှင့်တင်ရေး၊ ဒီမိုကရေစီနည်းလမ်းကျသော အလေ့အထများ ထွန်းကားရေးနှင့် ကောင်းမွန်သော အုပ်ချုပ်မှုပုံစံ ရှိရေးတို့အတွက် အစိုးရက ကြိုးပမ်း ဆောင်ရွက်လျက်ရှိကြောင်း၊ ကျန်းမာရေး၊ ပညာရေးအပါအဝင် နယ်ပယ်အများအပြားတွင် ထင်သာ မြင်သာသည့် တိုးတက်မှုများ ရှိနေပြီဖြစ်ကြောင်း၊ စဉ်ဆက်မပြတ် ဖွံ့ဖြိုးတိုးတက်ရေး ရည်မှန်းချက်များနှင့်အညီ မြန်မာနိုင်ငံ၏ စဉ်ဆက်မပြတ် ဖွံ့ဖြိုးတိုးတက်ရေးစီမံကိန်း (၂၀၁၈-၂၀၃၀) ကို အကောင်အထည်ဖော် ဆောင်ရွက်လျက်ရှိကြောင်း အလေးပေးပြောကြားခဲ့ပါသည်။
ငြိမ်းချမ်းရေးလုပ်ငန်းစဉ်နှင့် ပတ်သက်၍ ပြည်ထောင်စုငြိမ်းချမ်းရေးညီလာခံကို (၃) ကြိမ်တိုင်တိုင် အောင်မြင်စွာ ကျင်းပခဲ့ပြီး ရလဒ်ကောင်းများ ရှိခဲ့ကြောင်း၊ ၂၀၂၀ ပြည့်နှစ်တိုင် နောက်ထပ်ညီလာခံ (၃) ကြိမ် ကျင်းပသွားရန် ရှိကြောင်း၊ သဘာဝပတ်ဝန်းကျင်နှင့် လူမှုရေးရာ စီမံအုပ်ချုပ်မှုပုံစံတို့ကို ထည့်သွင်း စဉ်းစားလျက် တာဝန်ယူမှုရှိသည့် ရင်းနှီးမြှုပ်နှံမှုကို အားပေးခြင်းဖြင့် စီးပွားရေးနယ်ပယ်တွင် ပြုပြင် ပြောင်းလဲမှုများကို ဖော်ဆောင်လျက်ရှိကြောင်း၊ ၂၀၀၈ ခုနှစ် ဖွဲ့စည်းပုံအခြေခံဥပဒေမှ ဒီမိုကရေစီ ကျင့်စဉ်နှင့် ကိုက်ညီမှု မရှိသော ဖော်ပြချက်များကို ပြင်ဆင်နိုင်ရေးအတွက် ဆောင်ရွက်လျက်ရှိကြောင်း ရှင်းလင်းပြောကြားခဲ့ပါသည်။
မြန်မာနိုင်ငံဆိုင်ရာ လူ့အခွင့်အရေး အခြေအနေနှင့်ပတ်သက်၍ ရှင်းလင်းရာတွင် မြန်မာအမြဲတမ်း ကိုယ်စားလှယ်က စိန်ခေါ်မှုများနှင့် အကန့်အသတ်များစွာ ရင်ဆိုင်ကြုံတွေ့နေ ရသော်လည်း မြန်မာနိုင်ငံ အနေဖြင့် ပြည်သူများ၏ အခွင့်အရေးများ ကာကွယ်မြှင့်တင်ရေးကို ဦးစားပေးလုပ်ငန်းတာဝန်အဖြစ် အစွမ်းကုန် ဆက်လက်ဆောင်ရွက်သွားမည်ဖြစ်ကြောင်း၊ မြန်မာနိုင်ငံတွင် လူ့အခွင့်အရေး ကာကွယ် မြှင့်တင်ရေးနှင့်စပ်လျဉ်း၍ ကလေးသူငယ်များ၊ အမျိုးသမီးများ၊ မသန်စွမ်းသူများနှင့် အခြား အားနည်းသူ အုပ်စုအတွက် ထိရောက်သော အရေးယူဆောင်ရွက်မှုများကို ပြုလုပ်လျက်ရှိကြောင်း၊ ၂၀၂၀ ပြည့်နှစ် နိုင်ငံများအားလုံးအပေါ် လူ့ခွင့်အရေး အခြေအနေဆိုင်ရာ အလှည့်ကျသုံးသပ်ဆွေးနွေးမှု (Universal Periodic Review) တတိယအကြိမ်မြောက် ပြန်လည်သုံးသပ်ဆွေးနွေးပွဲတွင် မြန်မာနိုင်ငံ၏ အမျိုးသားအစီရင်ခံစာကို တင်သွင်းသွားမည် ဖြစ်ကြောင်း၊ ကလေးသူငယ်များ၏ အခွင့်အရေးဆိုင်ရာစာချုပ် (CRC)၊ အမျိုးသမီးများအပေါ် နည်းမျိုးစုံဖြင့် ခွဲခြားမှုပပျောက်ရေးစာချုပ် (CEDAW)၊ မသန်စွမ်းသူများ၏ အခွင့်အရေးဆိုင်ရာစာချုပ် (CRPD) နှင့် စီးပွားရေး၊ လူမှုရေးနှင့် ယဉ်ကျေးမှု အခွင့်အရေးများဆိုင်ရာ အပြည်ပြည်ဆိုင်ရာစာချုပ် (ICESCR) တို့၏ အဖွဲ့ဝင်နိုင်ငံ တစ်နိုင်ငံအနေဖြင့် မြန်မာနိုင်ငံသည် ယခုနှစ်တွင် အရပ်ဘက်နှင့် နိုင်ငံရေးအခွင့်အရေးဆိုင်ရာ နိုင်ငံတကာစာချုပ် (ICCPR) ကို လက်မှတ်ရေးထိုးသွားမည်ဖြစ်ကြောင်း၊ ထို့အပြင် ကလေးသူငယ် အခွင့်အရေးဆိုင်ရာ ဥပဒေသစ်နှင့် အမုန်းစကား တားဆီးကာကွယ်ရေးနှင့် အမျိုးသမီးများအား အကြမ်းဖက်မှုကိစ္စများကို ဖြေရှင်းမည့် ဥပဒေမူကြမ်းများအပါအဝင် လူ့အခွင့်အရေးဆိုင်ရာ ဥပဒေများ ပြဋ္ဌာန်းရေးလုပ်ငန်းစဉ်ကို ဆောင်ရွက်လျက်ရှိကြောင်း ပြောကြားခဲ့ပါသည်။
မြန်မာအမြဲတမ်းကိုယ်စားလှယ်က အစိုးရနှင့် ကုလသမဂ္ဂအတွင်းရေးမှူးချုပ်၏ အထူး ကိုယ်စားလှယ်တို့ အကြား နီးကပ်စွာ ပူးပေါင်းဆောင်ရွက်လျက်ရှိကြောင်း၊ အထူးကိုယ်စားလှယ်၏ ရုံးခန်း နေပြည်တော်တွင် ဖွင့်လှစ်ထားကြောင်း၊ ကလေးသူငယ်များနှင့် လက်နက်ကိုင် ပဋိပက္ခများ နှင့် ဆက်စပ်သည့် ကြီးမားသော လူ့အခွင့်အရေး ချိုးဖောက်မှု (၆) မျိုးကို ကာကွယ်သည့် အမျိုးသားကော်မတီတစ်ရပ်ကို ဖွဲ့စည်းခဲ့ပြီးဖြစ်ကြောင်း၊ မြန်မာနိုင်ငံနှင့် ပဋိပက္ခအတွင်း အမျိုးသမီးများအား အကြမ်းဖက်မှုဆိုင်ရာ ကုလသမဂ္ဂအတွင်းရေးမှူးချုပ်၏ အထူးကိုယ်စားလှယ် တို့ လက်မှတ်ရေးထိုးခဲ့ကြသည့် ပူးတွဲ ကြေညာချက်ကို အကောင်အထည်ဖော်ရန် အမျိုးသားအဆင့် လုပ်ငန်းအစီအစဉ်တစ်ခုကိုလည်း ရေးဆွဲမည်ဖြစ်ကြောင်း ပြောကြားခဲ့ပါသည်။
ခိုင်ပြည်နယ် အရေးကိစ္စနှင့်ပတ်သက်၍ မကြာသေးမီက “အေအေ” သောင်းကျန်းသူတို့က ရဲစခန်းများကို တိုက်ခိုက်ရာမှ လက်နက်ကိုင်ပဋိပက္ခ ဖြစ်ပွားမှုကြောင့် အခြေအနေကို ပိုမိုရှုပ်ထွေးစေခဲ့ကြောင်း၊ အစိုးရ၏ ကတိကဝတ်များကို ထပ်လောင်း ပြောကြားရာတွင် အစိုးရအနေဖြင့် ကိုဖီအာနန် အကြံပေး ကော်မရှင်၏ အကြံပြုချက်များ အကောင်အထည်ဖော်မှု အပါအဝင် ရခိုင်ပြည်နယ်ရှိ ပြည်သူများအားလုံး ၏ ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်ရေးအတွက် ရေရှည်တည်တံ့သည့် ဖြေရှင်းမှုကို ရှာဖွေသွားရန် ကြိုးပမ်းမှုများကို ရှင်းလင်းပြောကြားခဲ့ပါသည်။
မြန်မာအမြဲတမ်းကိုယ်စားလှယ်က နေရပ်စွန့်ခွာသူများ ပြန်လည်လက်ခံရေးနှင့်စပ်လျဉ်း၍ ဘင်္ဂလားဒေ့ရှ်နှင့် လက်မှတ်ရေးထိုး ထားသည့် နှစ်နိုင်ငံ သဘောတူညီချက်များနှင့်အညီ နေရပ်ပြန်လာမည့်သူများကို စိစစ်လက်ခံရန် အသင့်ရှိကြောင်း၊ မိမိဆန္ဒအလျောက် နေရပ် ပြန်လာလိုသည့် ဟိန္ဒူဘာသာဝင် (၄၄၄) ဦး အပါအဝင် ပြန်လည်စိစစ်ပြီးသော နေရပ်စွန့်ခွာ သူများအား ပြန်လည်လက်ခံရေး လုပ်ငန်းစဉ်ကို စတင်ရန် ပူးတွဲလုပ်ငန်းအဖွဲ့ အစည်းအဝေးကို ဧပြီလအတွင်း ပြန်လည်ကျင်းပရန် ဘင်္ဂလားဒေ့ရှ်ဘက်သို့ အကြောင်းကြားခဲ့ပြီး ဖြစ်ကြောင်း၊ ကော့ဇ်ဘဇားရှိ နေရပ်စွန့်ခွာသူများစခန်းထဲမှ ရခိုင်ဒေသသို့ ပြန်လာလို ကြောင်း မကြာခဏ ထုတ်ဖော်ပြောကြားသူများ ရှိသည်ကို သိရှိခြင်း ရှိ-မရှိ အထူးအစီရင်ခံစာ တင်သွင်းသူအား မေးမြန်းလိုပါကြောင်း၊ မြန်မာနိုင်ငံသည် နေရပ်ပြန်လာမည့်သူများအတွက် သင့်တင့်လျောက်ပတ် သော ပတ်ဝန်းကျင် ဖန်တီးပေးရေး UNDP၊ UNHCR အပြင် အာဆီယံနှင့် ဒေသတွင်း နိုင်ငံများနှင့်လည်း ပူးပေါင်းဆောင်ရွက်လျက်ရှိကြောင်း ပြောကြားခဲ့ပါသည်။
၂၀၁၆ ခုနှစ်၊ အောက်တိုဘာလနှင့် ၂၀၁၇ခုနှစ် သြဂုတ်လတွင် ရဲကင်းစခန်းများကို “အာဆာ” အကြမ်းဖက်များက ကြိုတင်အကွက်ချ တိုက်ခိုက်မှုမှ စတင်သည့် အကြမ်းဖက်မှုများကြောင့် ထိခိုက်ခံစားခဲ့ရသည့် အသိုက်အဝန်းများနှင့် ထပ်တူ မြန်မာနိုင်ငံကလည်း စိုးရိမ်ပူပန်ပါကြောင်းနှင့် “အာဆာ” အဖွဲ့၏ အကြမ်းဖက်မှုများအား ကြောက်ရွံ့ခြင်းကြောင့် လူအမြောက်အမြား နေရပ် စွန့်ခွာမှုများ ဖြစ်ပွား စေခဲ့ကြောင်းနှင့် အကြမ်းဖက်မှု လှုံ့ဆော်မှုကို “အာဆာ”အဖွဲ့က ဆောင်ရွက် ခြင်း ဖြစ်ကြောင်း အလေးပေး ပြောကြားခဲ့ပါသည်။
မြန်မာအမြဲတမ်းကိုယ်စားလှယ်က မြန်မာနိုင်ငံကို နိုင်ငံတကာ ပြစ်မှုဆိုင်ရာတရားရုံးသို့ ရောက်ရှိစေရန် လုပ်ဆောင်သည့် မည်သည့်တောင်းဆိုမှုမျိုးကိုမဆို ပယ်ချကြောင်း၊ သို့ရာတွင် ရခိုင်ပြည်နယ်တွင် လူ့အခွင့်အရေးဆိုင်ရာ ချိုးဖောက်မှုများနှင့် ပတ်သက်၍ ခိုင်လုံသော သက်သေအထောက်အထား ပြသနိုင်ပါက တာဝန်ခံမှု၊ တာဝန်ယူမှုရှိစေရေး အစိုးရအနေဖြင့် အပြည့်အဝ အာမခံကြောင်း၊ မြန်မာအစိုးရက ဖွဲ့စည်းခဲ့သည့် လွတ်လပ်သော စုံစမ်းစစ်ဆေးရေး ကော်မရှင်သည် လူ့အခွင့်အရေးဆိုင်ရာ ချိုးဖောက်မှုများ အားလုံးကို စုံစမ်းစစ်ဆေးလျက်ရှိကြောင်း၊ အစိုးရအနေဖြင့် တာဝန်ယူမှု၊ တာဝန်ခံမှုနှင့်ပတ်သက်၍ ကိုင်တွယ်ဖြေရှင်းရန် စိတ်ဆန္ဒသာမက၊ ကိုင်တွယ်ဖြေရှင်းနိုင်စွမ်းလည်းရှိကြောင်း အလေးအနက် ထား ပြောကြားခဲ့ပါသည်။
လက်ရှိ အထူးအစီရင်ခံစာတင်သွင်းသူ မစ္စ ယန်ဟီလီနှင့်ပတ်သက်၍ မြန်မာနိုင်ငံ၏ ရပ်တည်ချက်ကို ပြောကြားရာတွင် မြန်မာနိုင်ငံသည် လက်ရှိ အထူးအစီရင်ခံစာ တင်သွင်းသူနှင့် ဆက်လက် ပူးပေါင်းဆောင်ရွက်ရန် မဖြစ်နိုင်ကြောင်းနှင့် အထူးအစီရင်ခံစာ တင်သွင်းသူ အသစ်ခန့်အပ်ရန် မေတ္တာရပ်ခံ ကြောင်း၊ လက်ရှိအထူးအစီရင်ခံစာ တင်သွင်းသူနှင့် တတ်နိုင်သမျှ ပူးပေါင်းဆောင်ရွက်ခဲ့ သော်လည်း ၎င်း၏တာဝန်ကို ထမ်းဆောင်ရာ၌ ကျင့်ဝတ်စည်းကမ်းဘောင်ကို ကျော်လွန် လုပ်ဆောင်ခြင်းနှင့် ဘက်လိုက်မှု ရှိခြင်းတို့ကြောင့် ပြည်သူများက နှစ်သက်လိုလားမှု မရှိသဖြင့် မြန်မာနိုင်ငံသို့ လာရောက်ခွင့် မပြုရန် လွှတ်တော်မှ ၂၀၁၇ ခုနှစ်၊ ဇူလိုင်လတွင် ဆုံးဖြတ်ခဲ့ကြောင်း ရှင်းလင်းပြောကြားခဲ့ပါသည်။
မြန်မာအမြဲတမ်းကိုယ်စားလှယ်က လူ့အခွင့်အရေးကာကွယ်မြှင့်တင်ရာတွင် စေ့စပ်ညှိနှိုင်း ဆွေးနွေး မှု၊ အပြုသဘော ဆောင်သော ထိတွေ့ဆောင်ရွက်မှုနှင့် ပူးပေါင်းဆောင်ရွက် မှုတို့မှာ အရေးကြီးကြောင်း အလေးထားပြောကြားခဲ့ပြီး လူ့အခွင့်အရေးကောင်စီမှ ခန့်အပ်ထားသော သီးခြားလွတ်လပ်သော အထူးအစီရင်ခံစာ တင်သွင်းသူတိုင်း သို့မဟုတ် ယန္တရားတိုင်းသည် သီးခြားလွတ်လပ်မှု၊ ဘက်မလိုက်မှု၊ ရိုးသားမှုတို့ ရှိရမည်ဖြစ်ကြောင်း၊ သမိုင်းကြောင်းနှင့် ယဉ်ကျေးမှုနောက်ခံစသည့် နိုင်ငံတစ်နိုင်ငံ၏ ထူးခြားသည့် သီးခြားအခြေအနေများ၊ စွမ်းဆောင်ရည် ကန့်သတ်ချက်နှင့် အခြားသော ရင်ဆိုင်ကြုံတွေ့ရသည့် စိန်ခေါ်မှုများနှင့် ရှုပ်ထွေးမှုများကို ထည့်သွင်းစဉ်းစားရမည်ဖြစ်ကြောင်း ပြောကြားခဲ့ပါသည်။
ထို့ပြင် သတင်းအချက်အလက် တိကျမှန်ကန်ရေးသည် မှန်ကန်သော မူဝါဒဆုံးဖြတ်ချက် ချမှတ်ရာတွင် မရှိမဖြစ် လိုအပ်ကြောင်း၊ အထူးအစီရင်ခံစာ တင်သွင်းသူများအနေဖြင့် နိုင်ငံတစ်နိုင်ငံ၏ လူမှုရေး သဟဇာတဖြစ်မှုနှင့် စည်းလုံးညီညွတ်မှုကို ထိခိုက်စေသော ဘက်လိုက်သည့် အစီရင်ခံစာများ၊ အပြုသဘော မဆောင်သော မိန့်ခွန်းများစသည့် အန္တရာယ် ရှိသော ဆောင်ရွက်ချက်များကို ရှောင်ရှားရန်လည်း အရေးကြီးကြောင်း အလေးပေး ပြောကြားခဲ့ ပါသည်။
နိဂုံးချုပ်တွင် မြန်မာအမြဲတမ်းကိုယ်စားလှယ်က မြန်မာနိုင်ငံအနေဖြင့် သန္နိဋ္ဌာန်ချထားသည့် အတိုင်း လူ့အခွင့်အရေးနှင့် ဒီမိုကရေစီစနစ်တို့ ခိုင်မာစွာ အမြစ်တွယ်သည့် ဒီမိုကရေစီ ဖက်ဒရယ် ပြည်ထောင်စုသို့ ဆက်လက်ချီတက်သွားမည်ဖြစ်ကြောင်း ပြောကြားခဲ့ကြောင်း သိရှိရပါသည်။

Announcements

Latest Updates

Wednesday 07, August, 2019 Press Statement

Activities